༈ རྒྱལ་བའི་འཕྲིན་ལས་ཀྱི་བྱེད་པོ་ཞྭ་དམར་ཅོད་པཎ་འཛིན་པའི་ཡི་གེ།

འཛམ་བུ་བྲ໏᫵ས་མཚན་པའི་གླིང་དུ་གྱུར་པའི་གངས་ཅན་གྱི་ལྗོངས་སྤྱི་དང་བྱེ་བྲག་ཁོལ་འབུ་ཤར་གཞུང་། ཏིལ་དམར། ཡོལ་མོ་བཅས་ཀྱི་ལྷོ་མོན་ཁ་བཞིར་གནས་པའི་ལྷ་སྡེ་མི་སྡེ་ཡོན་བདག དད་ལྡན་མཐའ་དག་རྣམས་ལ་བཟློ་བ། དེ་ཡང་རྒྱལ་བ་གར་གྱི་དབང་པོ་བརྒྱད་པའི་དབོན་རིགས་པདྨ་རྒྱལ་པོའི་སྐུ་སྐྱེ་ཀརྨ་བསྟན་འཛིན་རྣམ་རྒྱལ་འདི་པ་ངེད་རང་གི་སྐྱབས་འོག་ཞུགས་ཤིང་འདི་པའི་གཞིས་དགོན་གྲྭ་བཙུན་སེར་སྐྱ་ཚང་མ་ལ་ད་ཕྱིན་ནས་བཟུང་གྲགས་ཞན་སུས་ཀྱང་དོས་གུ་ལགས་ཁྲལ་རིགས་གཉེད་གཙེར་རིགས་བྱེད་མི་ཆོག་ཅིང་། ལྷག་པར་སྤྲུལ་སྐུ་འདི་ཐོས་བསམ་རྣམ་དཀར་གྱི་བགྱི་བ་མི་དམན་ཞིང་དེ་ལུགས་ཀུན་གྱི་མཆོད་འོས་སུ་གྱུར་པ་ཁྱེད་གོང་འཁོད་ལྷ་འདྲེ་མི་གསུམ་རྣམས་ཀྱིས་རྙེད་དང་བཀུར་སྟི་ཞབས་ཏོག་ཕན་གྲོགས་ཡང་དག་བྱེད་པ་དང་། ལྷག་པར་བླ་མ་འདི་པ་གར་སྡོད་གར་འགྲོ་སར་ཛ་ག་ཕན་གསལ་ཁྱི་བ་སོགས་སླང་མི་ཆོག་པ་དང་། གཞན་ཡང་བླ་མའི་གྲྭ་བཙུན་དགོན་འཁོར་རྣམས་ལ་ལེགས་ཉེས་གང་བྱུང་ཡང་ཁོ་རང་གི་ཁྲིམས་གཅོད་བྱེད་པ་མ་གཏོགས། རྒན་གསུམ་འདུ་ཧར། སྤར་སྨན་ཨུམ་ར་སུས་ཀྱང་དབང་ཤེད་འདྲ་འདྲ་བྱེད་པ་མེད་ཅིང་གང་སྤྱིར་ཁྱེད་གོང་གསལ་གྲགས་ཞར་ཚང་མས་ཕན་གྲོགས་ཡང་དག་བྱེད་མི་རྣམས་ལ་འདི་ཕྱི་དགེ་བའི་སྐྱབས་འཇུག་ཡང་དག་བྱེད་ཅིང་། གལ་སྲིད་གོང་ཚིག་ལས་འདས་ནས་གནོད་འགལ་ལོག་པར་བྱེད་པ་ཤར་ཚེ་ལས་འབྲས་བསླུ་མེད་མཆོག་གི་རྣམ་སྨིན་དང་བཀའ་སྲུང་ཕོ་ཉ་ལས་མཁན་རྣམས་ཀྱིས་ཕྲིན་ལས་དྲག་པོས་ཚར་གཅོད་པ་གདོནམི་ཟ་བས་ངེས་པར་འཚལ། ཞེས་གོ་བར་བྱ་བའི་ཡི་གེ་ཤིང་སྦྲུལ་ཟླ་༡༠ ཚེས་༡༥ བཟང་པོར་གནས་ཆེན་ཡོལ་མོ་གངས་རའི་དབེན་དགོན་པདྨ་ཆོས་གླིང་དུ་བྲིས། མདྒལཾ།།